Mzabuni zingatia haya unapojaza nyaraka za zabuni, wengi hukosa kwa vigezo hivi

Picha na gestorestenerife.org

Nyaraka za zabuni (Tender documents) ni mkusanyiko wa nyara-ka zinazoandaliwa na taasisi nunuzi kwa lengo la kuwaalika wazabuni wenye sifa za kushiriki katika mchakato wa zabuni ambapo hatimaye mmojawao hupatikana na kupewa tuzo ya mkataba.

Sehemu kubwa ya maelezo yaliyomo kwenye nyaraka za zabuni, huzingatia matakwa ya sheria ya manunuzi ya umma na kanuni zake. Aidha, kwa mujibu wa sheria ya manunuzi ya umma, taasisi nunuzi zinatakiwa kutumia nyaraka sanifu (standard tender documents) ambazo hutolewa na Mamlaka ya Udhibiti wa Manunuzi ya Umma.

Katika kufuatilia kwangu masuala hayo nimegundua kwa kiasi kikubwa wazabuni wamekuwa hawazingatii masharti yaliyowekwa kwenye kitabu cha nyaraka za zabuni na hivyo kuchangia kwa sehemu kubwa kukosa au kushindwa katika kinyang’anyiro cha zabuni hiyo.

Vitabu vyenye nyaraka za zabuni vimewekwa katika makundi tofauti kufuatana na aina ya ununuzi unaotakiwa kufanyika. Makundi ya ununuzi Manunuzi ya umma yamegawanyika katika makundi makuu yaVifaa/bidhaa, kazi za majenzi, huduma zisizohitaji ushauri wa kitaalam na Huduma za ushauri wa kitaalam. 

Vivyo hivyo, nyaraka sanifu za zabuni  zitolewazo na PPRA zimeandaliwa kulingana na makundi hayo. Sehemu kuu za kitabu cha zabuni ni:

I. Mwaliko wa kushiriki zabuni
(Invitation for Tenders)
II. Fomu ya zabuni (Form of ten- der)
III. Maelekezo ya jumla kwa waz- abuni (Instructions to tenderers)
IV. Maelekezo maalumu kwa
wazabuni (Tender data sheet)
V. Masharti ya jumla ya mkataba (General conditions of contract)
VI. Masharti maalumu ya mkata- ba (Special conditions of contract)
VII. Fomu ya usalama (Forms of security)

Hivyo, wazabuni wanaoshiriki michakato ya zabuni za umma, wanapaswa kuhakikisha kuwa wanajaza nyaraka hizi ipasavyo na kuomba miongozo kwenye taasisi nunuzi husika au PPRA ili wasipoteze nafasi ya kupata zabuni kwa kukosea kujaza nyaraka, licha ya kuwa na sifa na vigezo vya kutekeleza zabuni husika.

Chanzo: PPRA journal, Vol. X, 12th Edition


Comments

  1. UnknownMay 18, 2021 at 5:15 AM

    kama nimesapplay vishaa na wakanisimamisha juuu ya bei wakati kwenye tenda mimi ndo nilikia chini ya wote hiii imekaaje?

    ReplyDelete
  2. UnknownMay 18, 2021 at 5:16 AM

    haki yangu naipataje

    ReplyDelete

Post a Comment

Popular posts from this blog

Marekebisho Sheria ya Manunuzi ya Umma Yanavyochagiza Tanzania ya Viwanda

Image
Mwenyekiti wa Bodi ya PPRA, Balozi Marten Lumbanga (picha kwa hisani ya PPRA) Sheria ya manunuzi ya umma iliyofanyiwa marekebisho  mwaka 2016, ilitungwa mwaka 2011 lakini ilianza kutumika  mwaka 2013 baada ya kukamilika kwa utungaji wa kanuni zake. Mwezi June mwaka jana, Bunge la Jamhuri ya Muungano wa Tanzania lilipitisha muswada wa marekebisho ya sheria hiyo na baadae Rais John Magufuli aliisaini na kuwa sheria kamili. Marekebisho yaliyofanyika baada ya kukusanya maoni ya wadau wa manunuzi ya umma yalilenga katika kupata thamani bora ya fedha kwenye manunuzi ya umma. Mabadiliko hayo yamechagiza ongezeko la fursa kwa kutoa upendeleo kwa makundi maalum, wazawa na viwanda vya ndani ya nchi. Hizi ni sehemu tatu kati ya nyingi zilizofanyiwa marekebisho kuboresha michakato ya manunuzi ya umma nchini.  Kuzingatia bei za soko katika manunuzi: kifungu cha tisa cha sheria kimeitaka kila taasisi ya umma kuhakikisha kuwa ina taarifa ya bei za soko za bidhaa ...
Read more

Hatua anazopaswa kuchukua mzabuni asiyeridhishwa na mchakato wa utoaji zabuni

Image
Picha kwa hisani ya wisegeek Michakato ya zabuni inapaswa kufuata sheria na kanuni za manunuzi ya umma inayoitaka taaasisi ya serikali kuendesha michakato hiyo kwa uwazi, ushindani na usawa. Lakini endapo mzabuni aliyeshiriki mchakato wa zabuni iliyotangazwa na taasisi husika hataridhishwa na matokeo ya mchakato huo, anayo nafasi ya kukata rufaa ili kuipata haki yake. Sheria ya manunuzi ya umma inaelekeza kuwa mzabuni ambaye hakuridhiswa na mchakato, anapaswa kwanza kukata rufaa kwa mkuu wa taasisi husika (afisa masuuli) kwa kumuandikia barua ya malalamiko yake akieleza sababu za kutoridhishwa. Mkuu wa taasisi hiyo anapaswa kuyajibu malalamiko hayo ndani ya siku 14. Endapo mzabuni hakupata majibu ndani ya muda huo, ama hakuridhishwa tena na majibu yatakayotolewa dhidi ya malalamiko yake, anapaswa kukata rufaa kwenye Mamlaka ya Rufani za Zabuni (PPAA).
Read more